Në Angli, dhe jo vetëm, të gjithë po e presin me padurim ndeshjen Manchester City-Arsenal. Kjo përballje mund të vendosë shumë për titullin kampion.
Gabriel Jesus vjen me statusin e “ish”-it. Goleadori brazilian i Arsenalit foli përpara duelit të së mërkurës në mbrëmje (21:00), duke theksuar se ai dhe shokët e tij duhet të synojnë fitoren përballë kampionëve në fuqi.
Arsenali kryeson kampionatin anglez me 5 pikë mbi skuadrën e Pep Guardiolës, por City ka luajtur dy ndeshje më pak. Manchester City-Arsenal do të transmetohet live në SuperSport 2.
“Shumë gjëra kanë ndodhur kohët e fundit, por ne mbetemi pozitivë. Është fantastike ajo që po bëjmë këtë sezon. Premier League është një kampionat shumë i fortë, është e vështirë ta fitosh.
Lexo edhe:
- Skënderbeu dhe Dinamo rikthehen në Superiore, Flamurtari “bie” në shtëpi
- Sezoni më i dobët që pas ngjitjes në Superiore, Kukësi bën lëmsh llogaritë
- Drita zyrtarizon trajnerin e ri, gjilanasit i besojnë një greku
- Mbrojtja më e mirë në histori? Xavi vendos në shënjestër rekordin e Mourinhos
Duhet të qëndrojmë të bashkuar deri në fund. Mos të harrojmë se kemi një avantazh prej pesë pikësh. Sezoni nuk ka përfunduar ende, tani vijnë ndeshjet e vështira.
Manchester City ka luajtur dy ndeshje më pak. Nëse duam të fitojmë titullin duhet të shkojmë në ‘Etihad’ dhe të fitojmë ndeshjen. Kaq e thjeshtë është…
Jemi skuadra më e rë e Premier League, por nuk duhet të justifikohemi me këtë fakt. Ndonjëherë bëjmë mirë, në raste të tjera gabojmë. Prandaj është kaq e rëndësishme të qëndrojmë të bashkuar.
Nuk jemi aspak të lumtur me atë që kemi bërë në tri ndeshjet e fundit. Kemi humbur pikë, kemi ulur nivelin e përqendrimit, por kjo është Premier League. Nuk është aspak e thjeshtë të shpallesh kampion”, deklaroi sulmuesi brazilian.
