Kanë përfunduar ndeshjet e javës së 19-të në kampionatin e Maqedonisë së Veriut. Shkupi kryesues fitoi 2-1 me përmbysje përballë Akademija Pandev, dhe vazhdon të marshojë drejt titullit kampion.
Bojan Dimoski kaloi miqtë në avantazh, por skuadra shqiptare iu fal dygolëshit të nigerianit Sunday Adetunji për të marrë suksesin numër 14-të në kampionat.
45 pikë numëron Shkupi, tetë më shumë se Shkëndija që triumfoi 3-1 në Tetovë në derbin shqiptar kundër Strugës, duke parakaluar Akademija Pandev në renditje.
Dashmir Elezi dhe Sidrit Guri i dhuruan kampionëve në fuqi avantazhin e dyfishtë në fraksionin e parë të takimit. Tome Kitanovski rifuti në lojë Strugën me golin e tij, por Shkëndija vulosi fitoren falë rrjetës së Ferhan Hasanit me penallti në minutat shtesë.
Goli i parë në kampionat për Bubën pas rikthimit te Shkëndija, që vazhdon të ndjekë Shkupin, edhe pse “Shvercerat” janë të qetë pas 8 pikëve avantazh.
[quiz-cat id=”288388″]
