FIGC (Federata Italiane e Futbollit) ka përzgjedhur Luciano Spallettin si zëvendësuesin e Roberto Mancinit në pankinën e kombëtares së kaltër.
Por, emërimi i teknikut që riktheu Napolin te titulli kampion pas 33 vitesh, po bllokohet nga presidenti Aurelio De Laurentiis. Ky i fundit nuk u nda mirë me teknikun 64-vjeçar.
Lexo edhe:
- Juventus interesohet për Donnarumma-n, PSG-ja e hapur për një ofertë të mirë
- Zyrtare/ Kukësi përforcon skuadrën, firmos për dy sezone me ish-mbrojtësin e Korabit
- Seria A rikthehet në Digitalb, sezoni i ri 2023-2024 me ofertë të plotë televizive
- VIDEO/ Vojvoda realizon super gol dhe ndihmon Torinon të kalojë në raundin tjetër të Kupës së Italisë
Presidenti karizmatik i Napolit, ka shpjeguar situatën e krijuar, duke zbuluar edhe paktin mes tij dhe Spallettit. Por edhe “gjobën” që duhet paguar nëse trajneri nis një eksperiencë të re.
“Nuk ka të bëjë me paratë, është një çështje principesh. Spalletti pranoi të merrte një vit të plot pushim. Klauzola e lirimit të tij është 1 milion euro.
Nuk mund të quhet pengesë nëse marrin në konsideratë faktin që ai do të paguhet 3 milionë euro neto në vit te Kombëtarja”, u shpreh De Laurentiis.
