Chelsea përballet të martën mbrëma (ora 21:00) në transfertë ndaj Middlesbrough, një ndeshje kjo e vlefshme për gjysmëfinalen e Carabao Cup. Në konferencën për shtyp, trajneri Mauricio Pochetino konfirmoi edhe njëherë tjetër se skuadra nuk ka nevojë për një tjetër sulmues në këtë merkato duke theksuar se është i lumtur me prezencën e Armando Brojës. Ndër të tjera, tekniku argjentinas shtoi edhe se Christopher Nkunku nuk do të jetë i gatshëm për ndeshjen e së martës si pasojë e një dëmtimi.
Lexo edhe:
- VIDEO/ Rey Manaj “magjik”, shënon dygolëshin e radhës në Turqi
- “Mbrëmje e bukur”, rinisja dhe çlirimi i Brojës: Shpresoj të mos ndalëm më
- VIDEO/ Anulohet eurogoli, kryesori dhe asistentja “mashtrohen” nga… porta
- Thirrja e Pochettinos: Broja, qeshu dhe beso më shumë te vetja!
“Nuk më duhet një tjetër sulmues, nuk ka nevojë të ndërhyjmë në merkato për një të tillë. Folëm me presidentin dhe drejtorin sportiv, unë jam shumë i lumtur që kam Brojën. Kemi disa lojtarë që mund të luajnë në sulm, ndërsa kam nevojë që sulmuesit e dytë të shënojnë më shumë. Por, në përgjithësi jam shumë i lumtur me organikën. Nëse na shfaqet ndonjë mundësi e mirë në merkato atëherë mund ta mendojmë, por nuk e besoj.
Nkunku? Nuk do të jetë për ndeshjen me Middlesbrough, ka një dëmtim, por që nuk ka lidhje me dëmtimin e tij të fundit. Është një problem tjetër, një problem në ije. Duhet të tregohemi të kujdesshëm me të pasi ishte jashtë fushave për gjashtë muaj. Ndoshta kthehet për ndeshjen e fundjavës në kampionat. Nuk ishte pjesë e stërvitjes, por pres që të mos ketë një problem serioz”, u shpreh Pochetino.
Me dëmtimin e Nkunku, por edhe me largimin e Jackson për Kupën e Afrikës, Armando Broja pritet që të startojë sërish titullar në ndeshjen ndaj Middlesbrough në Carabao Cup, teksa pas golit me Preston në FA Cup, sulmuesi i kombëtares do të kërkojë vazhdimësinë me Blutë e Londrës për të marrë në dorë frenat e repartit ofensiv të londinezëve.
