UEFA vendosi të gjobiste Galatasarayn me 51 mijë euro pas sjelljes së pahijshme të tifozëve të ekipit turk në fitoren (3-2) ndaj Manchester United, në “Old Traford”, në fazën e grupeve të Champions League, më 3 tetor.
Kampionët e Turqisë u ndëshkuan nga organi drejtues i futbollit evropian pasi 2 000 mbështetës të tyre patën akses në zonat e stadiumit të rezervuara për tifozët vendas. Galatasaray duhet të përballojë gjithashtu kostot që vijnë nga dëmi i shkaktuar nga tifozët e tij brenda stadiumit.
Lexo edhe:
- Adli: Besoni tek unë sepse gjithmonë do të jap më të mirën për Milanin
- U deklarua pro Palestinës, Bayern përjashton Mazraoui-n nga stërvitja
- “Futbolli nuk më mungon”, Hazard: Nuk isha i lumtur as në stërvitje
- Trajneri i Guler nuk përmbahet: Ka më shumë potencial se Messi!
UEFA vendosi gjithashtu të dënojë klubin e Stambollit me ndalimin e shitjes së biletave për anëtarët për ndeshjet jashtë vendit (dënim për një ndeshje, por që pezullohet me kusht që të mos përsëritet për një periudhë dyvjeçare), për shkak të hedhjes së sendeve, mjeteve piroteknike dhe dëmtimit të shkaktuar nga tifozët.
