Boca Juniors me një këmbë në finalen e Copa Libertadores. Skuadra argjentinase 5-herë fituese e këtij kompeticioni mposhti me rezultatin e pastër 2-0 brazilianët e Palmeiras në gjysmëfinalen e parë të zhvilluar në stadiumin Bombonera në Buenios Aires dhe tashmë ëndrron trofeun e 6-të në këtë kompeticion, trofe që i mungon që nga viti 2007. Ishte sulmuesi i kombëtares argjentinase Dario Benedetto heroi i Bocës në këtë sfidë, pasi edhe pse hyri në fushë vetëm në minutën e 77-të në harkun e 5 minutave nga e 83-ta në të 88-ën realizoi dy gola shumë të bukur fillimisht me kokë dhe më pas me një goditje nga distanca, duke i dhënë një fitore të madhe Boca Juniorsit përballë Palmeiras. Lëvizje e zgjuar ajo e trajnerit Guillermo Barrios Schelotto për të hedhur në fushë Benedetton i cili vendosi fatet e një sfide që po mbyllej 0-0.
