Fitore në frymën e fundit e Barcelonës në fushën e Celta Vigos për javën e 25-të të La Ligas. Një penallti e realizuar nga Robert Lewandowski në limitet e kohës shtesë I dha tri pikë skuadrës së Xavi Hernandezit në këtë transfertë të vështirë, por jo pa polemika.
Në fakt, në momentin e parë Guaita e ndali sulmuesin polak, por me ndërhyrje e sistemit VAR 11-meërshi u përsërit me pretendimin se portieri i kishte të dyja këmbët përtej vijës së portës.
Lewandowski, në fakt, e mbylli me dygolësh ndeshjes, pasi realizoi edhe golin e parë në fundin e pjesës së parë, ndërsa në fillim të fraksionit të dytë Iago Aspas realizoi golin e barazimit të përkohshëm 1-1.
Me këtë fitore Barcelona shkon në kuotën e 54 pikëve, shtatë më pak se Reali kryesues, që luan këtë të diel në fushën e Rayo Vallecanos.
Lexo edhe:
- VIDEO/ “Predha” e radhës nga goditja e dënimit, Manaj i jashtëzakonshëm
- Broja me grip në shtëpi, Sylvinhos i shkon dëm udhëtimi në Angli
- Një gjerman për pankinën, Kosova zyrtarizon trajnerin e ri
- “Prurje” nga Bundesliga për Kosovën, e konfirmon Ademi
Celta Vigo – Barcelona 1-2
90+8′ – Penallti për Barcelonën. Guaita e ndal tentativën e Lewandowskit, por kryesori vendos që penalltia të përsëritet e herën e dytë sulmuesi polak nuk gabon, 1-2
47’ – Pjesa e dytë nis me gol për Celta Vigon. Oscar Mingueza pason për Iago Aspas, që përballë Ter Stegenit nuk gabon, 1-1.
45′ – Barcelona në avantazh ndaj Celta Vigos në transfertë në fundin e pjesës së parë. Robert Lewabndowski shfrytëzon një pasim të Lamine Yamal për ta dërguar topin në rrjetë, 0-1.