Vedat Muriqi është protagonist si gjithnjë tek Mallorca, madje sulmuesi i Kosovës e gjen mënyrën për t’u bërë vendimtar edhe në momentin që nuk shënon vetë. Në ndeshjen që Mallorca po luan në shtëpi ndaj Villareal, Muriqi rikuperoi topin nga portieri kundërshtari dhe pasi hyri në zonë pasoi për Kadewere që nuk gaboi dhe shënoi për t’i dhënë avantazhin.
Ky ishte asisti i dytë për Muqirin në këtë sezon, teksa “Pirati” numëron edhe tetë gola duke qenë golashënuesi më i mirë i skuadrës së tij.
Pjesa e dytë pa sërish Muriqin si protagonist me sulmuesin që iu anulua një gol në minutën e 54-të. Ishte pikërisht lojtari Dardan ai që nisi aksionin, mirëpo Muriqi ishte në pozicion jashtë loje dhe në këtë formë realizimi ishte i pavlefshëm.
Gjithsesi, 28-vjeçari nuk u dorëzua dhe shënoi në minutën e 63-t, golin e katërt të ndeshjes. Këtë herë gjithçka ishte e rregullt me sulmuesin që realizoi golin numër nëntë në këtë edicion të La Liga, duke u konfirmuar një lider për Mallorcan që po fiton me shifrat 4-2 ndaj Villareal.