Sfida mes Brazilit dhe Argjentinës e luajtur në stadiumin Maracana, prodhoi shumë tension dhe dhunë në tribuna, aty ku tifozeritë u përplasën ndërsa nuk mungoi edhe përfshirja e policisë që acaroi edhe më shumë argjentinasit.
Lojtarët e Argjentinës vendosën të ktheheshin në dhomat e zhveshjes derisa të qetësohej situata. Megjithatë, të nxitur edhe nga tensioni në tribuna, nervat u reflektuan edhe te lojtarët në fushë, aty ku Lionel Messi ishte një nga protagonistët kryesorë.
Lexo edhe:
- VIDEO/ Kosova bie ndaj Bjellorusisë në “Fadil Vokrri”, i mbyll kualifikueset në vend të pestë të Grupit I
- Tre gola dhe gjashtë asistë në këtë sezon, Laçi rinovon me xhevahirin e mesfushës
- VIDEO/ Holanda “luan tenis” ndaj Gjibraltarit, Franca barazim spektakolar me Greqinë
- “A do të qëndrosh te Roma edhe vitin tjetër”? Portugezi i përgjigjet me puthje pyetjes së tifozit
Në momentin që Argjentina u rikthye në fushë për të nisur ndeshjen, Rodrygo, sulmuesi i Real Madrid i akuzoi kundërshtarët se ishin frikacak.
Një fjalor që Messi nuk ia fali dhe iu kthye duke i thënë se në fushë kishin zbritur Kampionët e Botës dhe se Rodrygo bënte mirë ta mbyllte gojën. Një moment që kaloi shpejt me brazilianin që nuk reagoi edhe pasi Messi e goditi pas koke.