Jurgen Klopp mbylli eksperiencën e tij 8-vjeçare në krye të Liverpool-it këtë të dielë.
Skuadra e trajnerit gjerman e mbylli sezonin e Premier League me fitoren 2-0 ndaj Wolves, ndërsa u rendit në përfundim të edicionit futbollistik 2023-2024 në vend të tretë me 82 pikë.
Lexo edhe:
- Milani ndan mendjen për trajnerin e ri, gati zyrtarizimi i portugezit
- Zyrtare/ De Zerbi largohet nga Brighton, gati akordi me klubin e njohur
- Bundesliga “ul siparin” e sezonit 2023-2024/ Verdiktet finale të këtij edicioni, shpëton Union Berlin
- Ballkani dhe Daja të pandalshëm, kampionë të Kosovës për herë të tretë radhazi
Në minutën e 28’ Semedo u ndëshkua me karton të kuq dhe i la miqtë me dhjetë lojtarë.
Superioriteti numerik u shfrytëzua nga vendasit, të cilët zhbllokuan takimin në minutën e 34’ falë Mac Allister.
Teksa në minutën e 40’ Quansah dyfishoi avantazhin për skuadrën e Jurgen Klopp si dhe vulosi këtë takim, pasi pjesa e dytë nuk solli gola të tjerë.
Kështu Liverpool e mbyll sezonin në vend të tretë me 82 pikë, teksa Wolves në vend të 14-të me 46 pikë.
Ndërsa vlen të theksohet që tifozët e “The Reds” realizuan një super performancë para nisjes së takimit, e gjitha e dedikuar për trajnerin Jurgen Klopp, duke shkruar “Jurgen you never walk alone”, që në shqip përkthehet “Jurgen ju kurrë nuk do
jeni vetëm”, si dhe u duartrokit gjatë gjithë kohës në ndeshjen e fundit të gjermanit në krye të Liverpool.
