Cristiano Ronaldo pritet si një mbret në Teheran. Sulmuesi portugez fluturoi me skuadrën e Al Nassr për t’u përballur me Persepolis në Champions-in aziatik, teksa iu befasua nga pritja që iu bë në zonën VIP të aeroportit.
Në një ceremoni speciale të organizuar për të, portugezit i dhuruan një qilim të punuar me dorë, por më e bukura ishte jashtë aeroportit. Qindra iranianë ishin mbledhur për të parë nga afër yllin e futbollit, teksa një pjesë nxituan të ndjekin pas për shumë metra autobusin me të cilin Ronaldo udhëtoi nga aeroporti në hotel.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Natyrisht që mbërritja e Cristiano Ronaldos u pa si një event i jashtëzakonshëm në Iran, me qindra e mijëra njerëz, që për herë të parë kishin mundësi të shihnin nga afër futbollistin magjitë e të cilit I kanë shijuar për vite të tëra nga ekrani.
Cristiano Ronaldo iu bashkua arabëve të Al Nassr në fund të vitit të kaluar dhe firmosi një kontratë 2.5 vjeçare, nga e cila do të përfitojë 500 milionë euro në total. Lëvizja e tij i hapi udhë një revolucioni në futbollin arab, pasi verën që lamë pas, dhjetërar yje të futbollit europian zgjodhën të transferohen në klube të Arabisë Saudite.
