Vazhdon ngjitja e Romës për objektivin Champions League. Në javën e 27-të të Serisë A, skuadra e De Rossit mundi Monzën 4-1, parakaloi për momentin Atalantën dhe shkoi në -1 nga Bologna e vendit të katërt.
Për verdhekuqtë realizuan Pellegrinin (38′) dhe Lukakun (42′) në fraksionin hapës, ndërsa në pjesën e dytë Dybala (63′) realizoi të tretin me një goditje dënimi perfekte dhe Paredes (82′) shënoi nga pika e bardhë e penalltisë. Në finale erdhi goli i mrekullueshëm nga Andrea Carboni (87′), për që vlejti vetëm për statistikë.
Tjetër fitore për De Rossin në stolin e Romës, ku gjithçka ka ndryshuar pozitivisht pas shkarkimit të Mourinhos, por duhet parë nëse ky ritëm do të ruhet deri në fund të sezonit me arritjen e objektivave: suksesi në Europa League dhe vendi i katërt në Serinë A.
Lexo edhe:
- VIDEO/ E rëndë në Gjermani, tifozi sulmon goleadorin kundërshtar
- VIDEO/ Goli i tretë në këtë sezon, kryevepër e futbollistit shqiptar
- Tre kartonë të kuq në ndeshjen Lazio-Milan, në Itali dënojnë arbitrin Di Bello
- “I bëfsh lekët ilaçe”, tifozët e Lazios “shpërthejnë” ndaj milanistit: Të vdektë familja!
Monza – Roma 1-4
Golat:
Roma e mbyll në epërsi të dy golave pjesën e parë të ndeshjes me Monzën në transfertë. Në minutën e 38-të të takimit, Pellegrini, kontrolloi një top në zonën e vendësve i shërbyer nga Lukaku dhe me një goditje të befasishme e dërgon topin në rrjetë.
Pa mbaruar mirë festa e golit të parë të verdhekuqve, Dybala jep një asist perfekt për Lukakun në qendër dhe sulmuesi belg nuk fal, 0-2.
Fantastik Paulo Dybala në ekzekutimin e goditjes së lirë, o-3.
Golin e radhës e shënon Paredes me penallti, 0-4.
Monza realizon golin e nderit, Birindelli befason portierin Svilar.