Pas një merkatoje shumë agresive verën e kaluar, West Hami nuk duket se do të ndalet as në merkaton e dimrit. Në janar, trajneri Pellegrini u ka sugjeruar drejtuesve një fantazist për skuadrën dhe emri që kanë ata në listë është Franko Vazquez. Për West Ham, argjentinasi i Sevillas është një objektiv i vjetër, pasi ishte i preferuari i Pellegrinit edhe në verë, por klubi spanjoll nuk dëshironte të privohej. 29-vjeçari është ende i rëndësishëm për ta, pasi edhe shifrat e konfirmojnë në fushë 14 herë deri tani me 1 gol dhe dy asiste. Vetëm një ofertë e çmendur mund të tundonte Sevillan të pranonte largimin e Vazquez, ndryshe një operacion i tillë do të shtyhet në verën e ardhshme.
