Connect with us

Hi, what are you looking for?

Legjionarët

Xhaka si Zidane, i penduar pasi goditi me kokë kundërshtarin: Më shau familjen, nuk durova!

Taulant Xhaka, pjesë e Basel nuk mundi t’i mbante nervat në ndeshjet e datës shtatë maj ndaj Zurichut teksa në minutën e 12-të shtesë të fraksionit të dytë, goditi me kokë kundërshtarin kroat Nikola Katic. Një veprim që sigurisht u ndëshkua me karton të kuq ndërsa më pas mesfushori shqiptar mori edhe një pezullim prej tetë ndeshjesh. Ndërkohë, për herë të parë në një intervistë për BaZ dhe Blick, 32-vjeçari shfaqet i penduar ndërsa zbuloi se gjatë gjithë ndeshjes ishte provokuar nga kundërshtari dhe se në fund nuk mundi t’i mbante nervat pasi kroati e shau nga familja.

“Humba kontrollin dhe kjo është diçka që nuk duhet të më ndodhë mua. Ishte një veprim që nuk ka vend në fushat e futbollit, djali im e pa ndeshjes së bashku me bashkëshorten time. Dhe, nuk më pëlqeu aspak kur më pyeti në shtëpi nëse ishte faull, apo në momentin kur u mundua të më imitonte. Ishte diçka që nuk më bëri të ndjehem mirë.

Lexo edhe:

Kundërshtari më provokoi gjatë gjithë ndeshjes, në fillim ia dola t’i mbaja nervat. Por, pasi u ndëshkova me karton të verdhë e më pas të kuq ai vendosi bluzën para gojës dhe më shau nga familja. Më ofendoi gruan, fëmijët, familjen. Nuk munda t’i mbaja më nervat.

Pezullimi me tetë ndeshje? Prisja edhe më shumë, 10 apo 11. Tani po e shfrytëzoj këtë periudhën e pezullimit si avantazh pasi po shoh nga distanca mënyrën si punon dhe si lëviz skuadra me trajnerin e ri. Për fat mund të luaj në ndeshjet europiane.

Nga ana tjetër, nuk më pëlqen që etiketohem si një lojtar agresiv. Në karrierën time kam marrë vetëm gjashtë kartonë të kuq dhe para kësaj me Zurichun, isha përjashtuar vetëm një herë për arsye disiplinore. Kam 13 vite karrierë dhe nuk e kuptoj pse sillen sikur unë bëj veprime agresive çdo dy javë”, u shpreh Xhaka.

Lajme të tjera

Bundesliga

Nëse ka një klub që gëzon më shumë për sukseset e Realit të Madridit, ai është Borussia e Dortmundit. Me titullin e La Ligas...

Kategoria Superiore

Pesë ndeshje pa fitore në kampionat dhe eliminimi nga Kupa e Shqipërisë në fazën gjysmëfinale, bënë që trajneri Qatip Osmani të mos arrijë të...

Serie A

Ish-trajneri i Milanit të madh të viteve ’90, Fabio Capello, është intervistuar nga “Gazzetta dello Sport” për të analizuar problemet e Milanit të këtij...

Kategoria Superiore

Sot është dita e Thomas Brdaric. 49-vjeçari gjerman me origjinë kroate, do të nisë aventurën e dytë si trajneri i Vllaznisë, duke zëvendësuar në...