Mbijetesa është çështje dite në Shkodër, jo vetëm për Vllazninë që synon të mbetet në Superiore, por edhe për Vllazninë B, që lufton për të vijuar në Kategorinë e Parë.
Gjithsesi, vëmendja ndaj këtyre të dytëve duket se ka qenë thuajse zero, pasi siç pretendojnë futbollistët e stërvitur nga trajneri Ervis Kraja, nuk paguhen prej 10 muajsh.
Paraditen e sotme lojtarët e Vllaznisë B kanë braktisur stërvitjen dhe kanë protestuar për të marrë rrogat, teksa kërcënuan edhe me bojkot të ndeshjes deçizive për mbijetesën, atë ndaj Tërbunit të Pukës.
Futbollistët shkodranë pretendojnë se jo vetëm që nuk janë paguar tashmë prej 10 muajsh, por edhe shpenzimet për të ndjekur aktivitetin, i kanë paguar nga xhepi i tyre.