Fitorja 3-0 në start ndaj Monacos, nuk ishte një rastësi për Lyonin, që mbrëmjen e sotme triumfoi bindshëm me rezultatin tenistik 6-0 përballë skuadrës së Angersit.
Skuadra e drejtuar nga braziliani Sylvinho dominoi tërësisht takimin përpara tifozërisë së vet dhe arriti të shënojë nga 3 gola për çdo pjesë, duke vulosur suksesin spektakolar.
Memphis Depay dhe Moussa Dembele ishin protagonistët e mbrëmjes me nga dy realizime secili, ndërsa Aouar dhe Jean Lucas hapën dhe mbyllën serinë e golave.
Pas dy takimeve të para të kampionatit, Lyon ka 6 pikë të plota dhe një golavarazh spektakolar prej 9 golash të shënuar dhe asnjë të pësuar, duke u konfirmuar si rivalja e parë e Paris Saint Germain.