Debutim i hidhur për Paris Saint Germain në Ligue 1. Skuadra kampione e Francës u mposht nga të sapo-ngjiturit në elitë, Lens, me rezultatin 1-0. Mes shumë vështirësive të imponuara mbi të gjitha nga coronavirusi që ka goditur anëtarë të rëndësishëm të skuadrës si Neymar, Icardi e Mbappe, skuadra e Tuchel, zbriti në fushë me një formacion të improvizuar.
Në përfundim të ndeshjes, Marco Verrati, një ndër të paktët lojtarë të mëdhenj që ishin prezentë në debutim, e ka kapur me organizimin e kalendarit të sezonit të ri. Mesfushori i shfaq shumë i pakënaqur për rikthimin në fushë të PSG-së pas vetëm një jave pauzë.
“Besoj se disfata erdhi nga faktorë të ndryshëm që erdhën njëkohësisht, – deklaroi italiani duke shtuar, – Ne bëmë maksimumin, ky ishte maksimumi ynë. Nuk mund të kërkosh më shumë pas një jave stërvitje. Është i çuditshëm një kalendar si ky. Pashë sa të lodhur ishin djemtë kur u kthyen në dhomat e zhveshjes. Ndeshja jonë e parë fillimisht ishte programuar për ditën e finales së Champions League, është e çuditshme diçka e tillë dhe ndodh vetëm në Francë”.