Rezultat i pabesueshëm në javën e 6-të të Eredivisies në sfidën mes Venlo dhe Ajaxit të Amsterdamit. “Harkëtarët” shënuan plot 13 gola në portën e skuadrës vendëse, që nuk bëri asgjë për të shmangur këtë turpërim. Ndëshkimi me karton të kuq në minutën e 52-të të futbollistit vendës Kum gjithsesi nuk mund ta justifikojë këtë humbje të thellë 0-13 që nuk regjistrohet as te futbolli amator.
Ajaxi praktikisht e fitoi ndeshjen që në pjesën e parë, pasi shënoi plot 4 herë, por e pabesueshmja ndodhi pasi vendësit mbetën me një lojtar më pak (52’), me futbollistët e Ajaxit që shënonin gol pas thuajse çdo aksioni.
Spikati Traroe me plot pesë gola, Huntelaar dhe Ekkelenkamp me dygolësh, ndërsa nga një gol shënuan Tadic, Blind, Anthony dhe Martinez.