Fikayo Tomori po tregon të gjitha aftësitë e tij te Milani, ku është transferuar në formë huazimi për gjashtë muaj, pasi kontrata e tij zotërohet nga Chelsea. 23-vjeçari duket se është përshtatur shumë mirë te kuqezinjtë, të cilët po mendojnë ta blejnë përfundimisht kontratën e mbrojtësit për shumën e 25 milionë eurove. Vetë futbollisti gjatë një interviste u shpreh se është shumë i lumtur që pranoi të kalonte te Milani ku po aktivizohet rregullisht. I pyetur për të ardhmen ai u shpreh se për momentin nuk e mendon një gjë të tillë dhe se çdo gjë do të vendoset në fund të sezonit.
