Mario Dajsinani ishte lojtari më i mirë i ndeshjes Laçi-Tirana (1-0). Saliou Guindo realizoi një eurogol, ndërsa “gardiani” ndihmoi bardhezinjtë me pritjet e tij.
23-vjeçari nga Kavaja foli për “Gol pas Goli” në Supersport, aty ku u ndal te performanca pozitive ndaj bardhebluve dhe e ardhmja.
“Mendoj se e vlerësuam ndeshjen maksimalisht dhe zbatuam detyrat e trajnerit. Ishim më agresivë se Tirana dhe arritëm te fitorja.
Pritja ndaj Gjumsit? U ndjeva mirë, sepse portieri është në portë për të ndihmuar ekipin. Më vjen mirë që ndihmova ekipin.
E ardhmja? Gjithmonë mund të ketë zëra, por jam i fokusuar tek ekipi i Laçit. Të bëjmë mirë, pastaj kismet“, deklaroi portieri i Laçit.