Southamptoni i Armando Brojës është në kërkim të një portieri për sezonin e ardhshëm dhe në krye të listës së preferencave është polaku i Fiorentinës, Bartlomieji Dragowski.
Ky i fundit ka përfunduar në pankinë te skuadra vjollcë, pasi trajneri Italiano preferon më shumë Terracianon mes shtyllave, ndaj skuadra toskane do të ishte gati të shiste polakun kundrejt një oferte të mirë.
Nga ana tjetër, mediat angleze raportojnë se te Southampton janë gati të ofrojnë 12 milionë euro për kartonin e Dragowskit dhe një pagë prej 3 milionë eurosh në sezon për gardianin polak, që do të mirëpriste një transferim në Premier League, për të luajtur rregullisht titullar.
