Ishte një mbrëmje e madhe ajo e së mërkurës në Athinë. Në kryeqytetin grek, derbi mes AEK-ut dhe Panathinaikos u mbyll me fitoren e vendasve me rezultatin 3-0. “OPAP ARENA” ishte i zjarrtë për sfidën që praktikisht mund t’i ketë dhënë drejtimin kampionatit helen. Që në fillimin e përballjes, AEK-u ishte shumë kërkues dhe gjeti golin e avantazhit me anë të Niclas Eliasson, në minutën e 7’ të takimit.
Ndeshja ishte e një niveli të lartë, me shumë raste nga të dyja portat respektive. Fotis Ioannidis iu afrua golit për Panathinaikos, por goditja e sulmuesit shkoi shumë pranë shtyllës. Atë që se bënë dot miqtë, e realizuan vendasit, me anë të Ezequeil Ponce. Futbollisti shfrytëzoi më së miri përgjumjen e mbrojtjes kundërshtare për të realizuar të dytin dhe për të shkuar në dhomat e zhveshjes në avantazh të dy golave.
Lexo edhe:
- Klube të Serisë A kërkojnë Shpendin, e zbulon drejtuesi i Cesenës
- Bellingham “lan me ar” Dortmundin, verdhezinjtë fërkojnë duart me fenomenin anglez
- “Unë ose Allegri te Juvja”, sulmuesi u vendos ultimatum bardhezinjve
- “Je mbrojtës e marrtë dreqi”, legjenda holandeze: Tani e kuptoj pse Guardiola nuk e do Cancelon!
Në pjesën e dytë, miqtë u munduan të bëjnë diçka, mirëpo pa rezultat. Niclas Eliasson ishte protagonist edhe një herë për AEK-un kur mbylli llogaritë e takimit me golin e tretë të sfidës. Me këtë fitore, AEK-u shkon në kuotën e 75 pikëve, 4 më shumë sesa Panathinaikos, ku kanë ngelur edhe 3 javë nga fundi i kampionatit grek.
Më herët, Olympiacos nuk shkoi më shumë se barazimi 1-1 në Selanik ndaj Aris-it, duke humbur akoma më shumë terren ndaj rivalëve të drejtpërdrejtë. Golit të Moron iu përgjigj El Kaabi, por nuk pati më ndryshim të shifrave. Olympiacos shkon në kuotën e 68 pikëve, ndërsa Arisi gjendet në shifrën e 49 pikëve.