Ofendimet në rrjetet sociale janë kthyer në një shqetësim masiv. Tifozët mezi presin të gabosh që të të “kryqëzojnë” me komente. Që shkojnë deri në makabritete të tilla si duke shpresuar në vdekjen e një “engjëlli” që pret të vijë në jetë.
Joao Cancelo është përballur me komente të tilla pas eliminimit të Barcelonës nga Champions League. Si pasojë e humbjes 1-4 kundër PSG-së. Portugezi i katalanasve ndau shqetësimin e tij në një rrëfim për ESPN.
“Lexoj komente në Instagram ku më urojnë vdekjen e vajzës sime që nuk ka lindur ende… Sigurisht që një gjë të tillë nuk kanë guxim të ma thonë në fytyrë, sepse e dinë se do të kenë probleme.
Lexo edhe:
- E kryer/ Interi plotëson dëshirat e Lautaros, detajet e rinovimit
- Marrëveshja është arritur, zbulohet trajneri i ri i Bayernit
- Francesco Troise mban leksion si i ftuar special nga FSHF për kursantët e “UEFA PRO”
- Gjermania apo Bayern Munich? Nagelsmann vendos përfundimisht
Por, në komente fyejnë dhe ofendojnë gruan, vajzën dhe vogëlushen që pritet të vijë në jetë. Është një botë mizore dhe ty të duhet të dish si të jetosh dhe si ta përballosh.
Unë di si t’ia dal, por thjesht nuk di çfarë të them më, më kanë mbaruar fjalët… Është vërtetë serioze dhe e rëndë të urosh vdekjen e një fëmije!
Njerëzit nuk mendojnë për personin që fshihet pas një futbollisti. Ne të gjithë jemi qenie humane, jemi njësoj si të tjerët”, shprehet 29-vjeçari portugez. I cili e mbyll me këto fjalë:
“Kritikoni performancat e mia, nuk më shqetëson një gjë e tillë, nuk më plas fare, por mos u ngatërroni me familjen time”.