Data dy gusht ishte dita kur Gianluigi Buffon njoftoi tërheqjen nga futbolli në moshën 45-vjeçare, teksa legjenda italiane e portës vendosi të largohej nga futbolli aktiv pas dy vitesh te Parma në Serie B. Menjëherë në drejtim të ish-portierit të Juventus mbërritën mesazhe të shumta ndërsa një nga ata që reagoi ishte edhe trajneri Fabio Capello.
Tekniku italian ka pasur mundësinë të punojë me Buffon në kohën kur drejtonte Juventusin dhe i njeh mirë pikat e forta dhe të dobta të 45-vjeçarit. Në një prononcim për “Sky Sport”, Capello shprehet se Buffon ishte portier i madh, por kishte një defekt.
Lexo edhe:
- Shehi: Do të tentojmë të kthejmë rezultatin, pavarësisht diferencave
- Ramadani transferohet në Itali, SuperSport mëson detajet e transferimit
- Hidhet shorti i Superiores, java e parë fillon me derbin e kryeqytetit
- “Shehi punon mirë”, Gunes: Tirana luan në grup, por nuk është Besiktasi! Stadiumi? Terreni është problem
“Unë kam pasur fatin ta trajnoj Buffon, është një portier i madh dhe një person i shkëlqyer. Për mua është në të njëjtin nivel me Dino Zoff, të dy kishin aftësinë që me anë të personalitetit, por edhe kapacitetit teknik t’i jepnin qetësi mbrojtësve. Megjithatë, edhe Buffon e kishte një defekt; kishte frikë nga bletët”, shprehet me humor Capello.
