Për të dytin vit radhazi, Ballkani ndodhet në zonën play-off të Conference League. Pasi kaluan tri ture, kampionët e Kosovës do të kërkojnë që të kalojnë dhe pengesën e fundit, që quhet Bate Borisov, për të siguruar një tjetër kalim historik në fazën e grupeve të kompeticionit.
Në prag të duelit të së enjtes, Ilir Daja doli në konferencën e zakonshme për shtypin, ku komentoi ecurinë e skuadrës së tij dhe për përgatitjet në ditët e fundit.
‘’Nëse flasim rreth historisë që kemi bërë, për të dytin vit radhazi gjendemi në play-off. Në një moment të tillë, përfaqësimi ynë kalon përtej Ballkanit të Suharekës, pasi përfaqësojmë edhe Kosovën.
Ditët e fundit i kam ndarë lojtarët në dy grupe, ata që luajtën në kampionat, në fundjavë, dhe ata që qëndruan pushim. Menjëherë pas konferencës, do të kryejmë dhe seancën e fundit ku do të jemi të gjithë të bashkuar, në prag të këtij takimi, që sigurisht nuk do të përfaqësojmë vetëm Ballkanin e Suharekës.’’
Më pas, Ilir Daja u ndal edhe te kundërshtari i play-off-it, Bate Borisov, ku u shpreh se do t’i vlerësojnë bjellorusët për eksperiencën që kanë në kompeticionet europiane.
Lexo edhe:
- “Kush nuk vrapon të largohet tani”, Tevez prezantohet te Independente: Kam vënë emrin tim në lojë!
- VIDEO/ CR7 nuk i mban nervat, i ulëret në fytyrë arbitrit dhe shtyn tifozin
- Bayern identifikon pasuesin e Sommer, akord pesëvjeçar me një izraelit
- Kartoni në ndeshjen hapëse të Premier League e fut në telashe, Paqueta në hetim për baste
‘’Bate Borisov ka eksperiencë në kompeticionet europiane. Ata kanë marrë pjesë edhe në grupet e Champions League. Kaloi turin e parë në Champions, por pas këtij raundi nuk janë paraqitur në lartësinë e duhur. Gjithsesi, kjo nuk do të na pengojë që ne të japim maksimumin tonë dhe ta vlerësojmë kundërshtarin për eksperiencën që ka në Europë. Në këto dy ndeshje, mendoj se gjithçka do të jetë e hapur dhe nuk do të ketë favoritë.’’
