Qendërmbrojtësi i Arsenalit, William Saliba nuk po ia del të rikuperohet për “finalen” ndaj Manchester City. Francezi mungon që prej ndeshjes ndaj Sportingut të Lisbonës, pas një dëmtimi që pësoi në shpinë.
22-vjeçari ka qenë pa dyshim një nga elementët më thelbësorë të skuadrës. Saliba ka humbur 5 ndeshje në kampionat, në të cilat Arsenali ka marrë 2 fitore dhe 3 barazime.
Lexo edhe:
- Skënderbeu dhe Dinamo rikthehen në Superiore, Flamurtari “bie” në shtëpi
- Sezoni më i dobët që pas ngjitjes në Superiore, Kukësi bën lëmsh llogaritë
- Drita zyrtarizon trajnerin e ri, gjilanasit i besojnë një greku
- Mbrojtja më e mirë në histori? Xavi vendos në shënjestër rekordin e Mourinhos
Djemtë e Mikel Artetës kanë pësuar 9 gola dhe kryesojnë Premier League me 5 pikë më shumë se Manchester City, që ka zhvilluar 2 ndeshje më pak.
Ndërkohë “The Citysens” duket se vijojnë ecurinë pozitive pas kalimit në gjysmëfinalet e Champions League. Skuadra e Pep Guardiolës ka siguruar edhe finalen e FA CUP, aty ku do të sfidojë Man United në një derbi të zjarrtë.
City-Arsenal është dueli vendimtar, që mund të vendosë fatet e titullit në Angli. Ky takim do të luhet të mërkurën (21:00) dhe do të transmetohet në kanalet e Supersport Digitalb.
