Luis Hasa është një tjetër talent i ri që Juventus po nxjerr, pas Miretti, Fagioli, Iling-Junior, Yildiz, Barrenechea, Soule, Nicolussi Caviglia dhe të gjithë të tjerëve që po shfaqen në Serie A.
Këtë të martë në ndeshjen kundër Sassuolos (pjesë e së cilës është edhe mesfushori i kombëtares shqiptare të futbollit, Nedim Bajrami), në “Allianz Stadium”, kampioni i Europës U-19 me kombëtaren italiane do të jetë me ekipin e parë të “Zonjës së Vjetër” dhe është vetëm çështje kohe që të debutojë.
Lexo edhe:
- Analizë Kuqezi/ Ismajli: “Air Albania” kështjellë e pamposhtur, ju tregoj sulmuesin më të fortë në Itali
- “Dua t’i shënoj Partizanit si me Luftëtarin”, Abazaj në “Elite”: Jemi Tirana që sfidoi Besiktasin
- “Shpresoj të ketë ardhur momenti i titullit”, Balaj në “Elite”: Na shqetëson mungesa e tifozëve!
- FOTO/ Mes më të mirëve në sfidën ndaj Fulham-it, Broja në formacionin e javës së Premier League
Së fundmi mediet italiane raportojnë si “bardhezinjtë” po tentojnë ta bindin talentin me origjinë shqiptare që të rinovojë kontratën, e cila skadon në vitin 2024, megjithëse përmban opsionin e zgjatjes edhe me një vit.
Pavarësisht se ka edhe një vit kohë, raportohet se Juventus i ka ofruar rinovimin 20-vjeçarit, për ta siguruar dhe për të mos lejuar që klubet e tjera ta tundojnë, duke qenë se nuk mungon interesimi, me Genoa, Hellas Verona, Como dhe Pisa janë të gatshëm për ta afruar.
Luis Hasa këtë vit luajti 16 ndeshje me fanellën e Juventus Next Gen, në Serie C, për gjithsej 1130 minuta, ndërsa shënoi një gol dhe dha katër asistime.
