Platforma më e dashur e të gjithë shqiptarëve, sjell provat e kuqezinjve të Sylvinhos drejt Gjermani 2024. Shqipëri-Kili, kundër talenteve amerikano jugorëve drejtpërdrejtë nga “Ennio Tardini” i Parmës. E po ashtu, tri ditë më pas Shqipëria në një tjetër test përballë nordikëve suedezë në Stokholm.
Dy ndeshje që e vënë Shqipërinë përballë dy shkollave të ndryshme futbolli, e ku natyrisht priten risi duke nisur nga grumbullimi me Manajn kandidat të fortë. Brojën të etur për t’u rikthyer me gol, e padyshim edhe për të parë eksperimentet e brazilianit në funksion në Euro 2024.
Supersport sjell edhe hapat e parë të Kosovës që nis një epokë të re. Tanimë në drejtimin e Franco Fodës, dardanët synojnë të ngjitin shkallë në futbollin ndërkombëtar. Debutimi i trajnerit të ri në sfidën Kosovë-Armeni në 22 mars, si dhe sfida e dytë ajo me Hungarinë (26 mars), dy takime për të mos u humbur me vëllezërit e një gjaku.
Lexo edhe:
- VIDEO/ Dygolësh në transfertë, Shpendi i pandalshëm
- VIDEO/ Eurogol dhe festë me shqiponjë, Mehmeti dhuron “show” në Angli
- Sylvinho vlerëson golat, Manaj pritet të jetë pjesë e grumbullit të marsit!
- Kristjan Asllani, shqiptari i parë që fiton “San Siron” (VIDEO)
Që me një skuadër plot talent e të mbushur me dëshirë e guxim, nisin hapat e parë drejt misionit për t’u kualifikuar në një event madhor të futbollit.
Nuk mund të mungojnë në platformën elitare edhe gjigantët e futbollit botëror. Provat e Kombëtareve që synojnë asgjë më pak se fitimin e Europianit: klasikja e kontinentit Francë-Gjermani (23 mars), beteja e dy shkollave që kanë bërë historinë e futbollit europian me Gjermani-Holandë tri ditë më pas.
Live për të gjithë tifozët edhe dueli i vendit që shpiku futbollin, Anglisë, që sfidon Belgjikën e talenteve. Shqipëria, Kosova dhe gjigantët e Europës në këtë fund marsi në ekranin e Supersport/DigitAlb, aty ku futbolli nuk ndalon asnjëherë.