Polonia vjen si kundërshtari më i fortë në këtë grup, i ardhur nga vazo e parë. Polakët janë një rival të cilin kuqezinjtë e ndeshën dhe në kualifikueset e fundit për Kupën e Botës. Historiku nuk është në favor të Shqipërisë, që nuk ka fituar dot asnjë nga 7 ndeshjet e fundit ndaj Polonisë.
Me këtë kundërshtar Shqipëria është ndeshur në 13 raste, duke pësuar 9 humbje e duke marrë vetëm 1 fitore, në vitin e largët 1953 në ‘Qemal Stafa’ me golat e Loro Boriçi dhe Refik Resmja. Rezultati i fundit pozitiv ndaj Polonisë është regjistruar në 31 tetor 1984 në një barazim 2-2 në transfertë falë golave të Mingës dhe Kolës.
Lexo edhe:
- Rregullat e reja të penalltisë, ironizon Maignan: Nga 2026 portierët do qëndrojnë me shpinë
- Euro2024/ Italia kërkon pikët e para, Anglia dhe Portugalia luajnë për vazhdueshmërinë
- Maroku tregon forcën edhe ndaj Brazilit, afrikano-veriorët triumfojnë në miqësore
- Nagelsmann pasuesi i Ancelotti-t? Perez e dëshiron prej kohësh
Sa i takon vlerës së skuadrave të grumbulluara, ekipi kuqezi, sipas transfermarkt vlerësohet në vlerën e 62 milionë eurove, e nga grupi aktual lojtari me vlerën më të shtrenjtë është Kristian Asllani, i cili ka arritur vlerën e 12 milionë eurove. Për polakët, lojtari më i shtrenjtë është Robert Lewandowski, futbollisti i Barcelonës vlerësohet 40 milionë euro, ndërkoh që vlera e Polonisë është 240, 80 milionë euro.
Sa i takon paraqitjeve të fundit, Polonia vjen pas tre humbjeve, teksa është mundur në Kupën e Botës nga Argjentina në grupe dhe më pas nga Franca, ndërsa e nisi me humbje dhe edicionin e kualifikueseve ndaj Çekisë. Në anën tjetër, kuqezinjtë në tre ndeshjet e fundit kanë marrë 1 fitore me Armeninë, ndërsa janë mundur nga Italia dhe kanë barazuar me Islandën, sa i takon ndeshjeve zyrtare.
