Ruben Amorim, trajneri i Sportingut të Lisbonës ishte i preferuari i drejtuesve të Liverpool për të zëvendësuar Jurgen Klopp. Mirëpo, luzitani para disa ditësh theksoi se cikli i tij me Sportingun nuk kishte përfunduar dhe në këtë formë, alternative e Amorim duket se është zbehur për “The Reds”.
Drejtuesit anglezë po lëvizin me shpejtësi për të gjetur një tjetër alternativë dhe së fundmi, flitet për Arne Slot të Feyenoord. 45-vjeçari, mbahet si një nga trajnerët më me perspektivë në Holandë duke i dhuruar Feyenoord vitin e kaluar titullin kampion ndërsa këtë sezon, Kupën e Holandës.
Lexo edhe:
- Inzaghi si kampion i Italisë: Ne e donim sot titullin dhe ia dolëm, 6 trofe ne 3 vite nuk janë pak!
- VIDEO/ Manaj “shuan” Fenerin, sulmuesi i kombëtares protagonist në garën e titullit
- Gjoka rikthehet në stol, i besohet skuadra që lufton për titullin
- Inter kampione e Italisë, Agnelli “thumbon” zikaltërit: Ne yllin e dytë e fituam para 42-vitesh!
- Asllani, “në qiellin e shtatë”: Ndoshta ende s’e kam kuptuar që e kemi fituar
Arne Slot, ishte në fokusin e klubeve të Premier League verën e shkuar teksa Chelsea dhe Tottenham e shqyrtuan si mundësi firmën me të, por në fund nuk u arrit marrëveshje. Megjithatë, këtë verë mund të jetë momenti i duhur që Arne Slot të marrë drejtimin e Liverpool dhe të provojë aftësitë e tij në një nga kampionatet më elitare të Europës.
