Trajneri i Liverpool, Jurgen Klopp ka nevojë për më shumë alternativa në repartin e mesfushës dhe drejtuesit pasi dështuan për të transferuar Moises Caicedo e Romeo Lavia, janë “hedhur” në sulm për Cheick Doucoure, i cili është pjesë e Crystal Palace.
22-vjeçari është pjesë e skuadrës londineze prej vitit 2022 ndërsa u shpall edhe lojtari më i mirë për Crystal Palace në sezonin e kaluar. Doucoure duket gati për hapin e madh të karrierës teksa kartoni i tij vlerësohet me jo më pak se 60 milionë paund nga drejtuesit e Crystal Palace.
Lexo edhe:
- Juventus interesohet për Donnarumma-n, PSG-ja e hapur për një ofertë të mirë
- Zyrtare/ Kukësi përforcon skuadrën, firmos për dy sezone me ish-mbrojtësin e Korabit
- Seria A rikthehet në Digitalb, sezoni i ri 2023-2024 me ofertë të plotë televizive
- VIDEO/ Vojvoda realizon super gol dhe ndihmon Torinon të kalojë në raundin tjetër të Kupës së Italisë
Një nga repartet që pësoi më së shumti ndryshime këtë merkato te Liverpool, ishte ai i mesfushës. Trajneri Jurgen Klopp humbi elementë të rëndësishëm si kapiteni Henderson, Fabinho, Keita apo edhe James Milner.
Nga ana tjetër, prej kohësh Thiago vuan shqetësimet fizike dhe nuk jep garanci. Ndaj, ndërhyrjet në merkato ishin të domosdoshme me “The Reds” që deri më tani kanë siguruar Mac Allister dhe Szoboszlai teksa objektivi i radhës është Doucoure.
