Arnaut Danjuma ishte një nga objektivat e Milanit për sulmin, por kuqezinjtë nuk arritën akordin me Villarealin. Spanjollët lejonin vetëm huazimin me detyrim blerjeje, opsion që u refuzua nga klubi italian.
Që më pas mbylli marrëveshjen me austriakët e Salzburgut dhe siguroi shërbimet e Noah Okafor. Ndërkohë që Danjuma është zyrtarizuar në Premier League. Tek Evertoni.
Lexo edhe:
- Pulisic: Pioli më bindi t’i bashkohem Milanit, jam gati të jap gjithçka për ngjyrat “kuqezi”
- Kërkohet nga Al-Ahli, United i bashkohet garës për mesfushorin e Fiorentinës
- Bayern nuk heq dorë nga Kane, pas refuzimit nga Tottenham rrit ndjeshëm ofertën
- Buffon “var dorezat në gozhdë”? Portieri refuzon Arabinë Saudite dhe i përkushtohet gjuhës angleze
Me anë të një komunikate zyrtare, klubi nga Liverpooli ka prezantuar afrimin e holandezit me origjinë nigeriane. 26-vjeçari është huazuar nga Villareali.
“Zgjodha Evertonin prej tifozëve të mrekullueshëm që ka, trajnerit Sean Dyche dhe historisë së klubit”, deklaroi Danjuma pas firmës me klubin e ri.
Kjo do të jetë aventura e tretë angleze për të, pasi është aktivizuar më parë edhe me Tottenhamin dhe Bournemouth. “Xholi” ofensiv do të mbajë veshur fanellën me numër 10.
Danjuma, përforcimi i dytë për Evertonin pas “veteranit” Ashley Young, numëron 6 ndeshje dhe 2 gola me kombëtaren e Holandës.
https://twitter.com/i/status/1683088319192899584
