Humbje të pamerituar e cilëson kapiteni Edvin Kuç disfatën 1-0 të Ballkanit në Çeki kundër Viktoria Plzen. Takim i parë i grupit C në Conference League.
Kompeticion ku kampionët e Kosovës marrin pjesë për herë të dytë radhazi, duke u shndërruar në skuadrën dardane më të suksesshme.
“Stafi ynë kishte analizuar lojën e Plzenit. Pranuam një gol me devijim, teksa humbëm raste. Mendoj që është humbje e pamerituar.
Nuk kërkojmë arsye pas humbjes, por na duhet një ditë më shumë për të përgatitur ndeshjen. Në këtë nivel me ekip të mëdha, çdo ditë është e rëndësishme për ta përgatitur lojën.
Lexo edhe:
- Rekord në renditjen FIFA, Shqipëria e para në botë për pikët e fituara në shtator!
- VIDEO/ Muçi-show në Varshavë, dopietë spektakolare në fitoren ndaj Aston Villës
- Gafa e radhës, Onana: Ndjesë! Unë fajtori pse nuk fituam me Bayernin
- VIDEO/ EMOCIONUESE, 30 mijë polakë thërrasin në kor emrin e Ernest Muçit
Vetëm një ditë kishim për ta përgatitur këtë ndeshje. Si ekip nuk kërkojmë arsyetime, as unë si kapiten, por duhet më shumë freski.
Dhe më shumë kohë për të përgatitur ndeshjet. Tani duhet të mendojmë për ndeshjen e kampionatit që e kemi të dielën”, deklaroi 29-vjeçari nga Tuzi.
Skuadër që përballjen e dytë në grupin C në Conference League, do e luajë në datën 5 tetor në “Fadil Vokrri”.
Në Prishtinë zbarkojnë kroatët e Dinamos së Zagrebit, ndërkohë që sfida do të transmetohet në SuperSport/DigitAlb.
