Luke Fleurs, një futbollist që luajti për Afrikën e Jugut në Lojërat Olimpike Tokio 2021 (u aktivizua titullar në të tria ndeshjet), ndërroi jetë në moshën 24-vjeçare pasi u qëllua me armë zjarri në periferi të Johanesburgut gjatë një tentative për rrëmbim ose vjedhje të makinës së tij.
“Po, është e vërtetë, Luke Fleurs u qëllua për vdekje gjatë një tentative vjedhjeje”, konfirmoi një burim për “Sunday World”.
Lojtari i Kaizer Chiefs, i cili më parë ka luajtur për Ubuntu Cape Town dhe SuperSport United, u thirr dy herë për të përfaqësuar “Bafana Bafana” (kombëtarja e Afrikës së Jugut), por nuk mundi të debutonte për ekipin A të Afrikës së Jugut.
Lexo edhe:
- Tre ndeshje në tribunë, trajneri i Fulhamit sqaron situatën e Armando Brojës
- VIDEO/ Manaj nuk ka të ndalur, gol në frymën e fundit me Sivassporin
- VIDEO/ Sparta në finalen e Kupës së Çekisë, Indrit Tuci protagonist
- VIDEO/ Nga divizioni i dytë në finale, festojnë dy shqiptarë në Poloni
“Jemi të pikëlluar kur mësuam për vdekjen e mbrojtësit të Kaizer Chiefs, Luke Fleurs. Ngushëllimet tona më të thella për familjen e Fleurs, miqtë dhe komunitetin e gjerë të futbollit të Afrikës së Jugut gjatë kësaj kohe të vështirë,” isha mesazhi i klubit Ubuntu Cape Town në kanalet zyrtare.
Carles Puyol, idhulli i Luke Fleurs
Luke Fleurs ishte një fans i madh i ish-mbrojtësit spanjoll, Carles Puyol, të cilin e takoi në ditëlindjen e tij të 18-të.
“Ishte një privilegj i madh që takova këtë legjendë në ditëlindjen time. Kur isha fëmijë, ai ishte një nga lojtarët që unë e ndiqja me pasion dhe vazhdoj ta ndjek, sepse, kur e takova, ai u ndje shumë i nderuar,” do të shkruante Luke Fleurs në Instagram për takimin e tij me Carles Puyol.
