Luis Enrique i befasoi të gjithë këtë të diel kur vendosi të zëvendësonte Kylian Mbappénë në minutën e 65-të të ndeshjes me Rennes, me rezultatin 0-1 në favor të Rennes. Sulmuesi francez u rikthye sot në formacionin titullar në Ligue 1 pasi ishte zëvendësues kundër Nantes në ndeshjen e fundit.
Në konferencën për shtypin pas ndeshjes, Enrique u pyet për arsyen e largimit të “yllit” të PSG-së:
“Herët a vonë kjo do të ndodhë, në një moment do të duhet të mësojmë të luajmë pa Kylianin”. Kështu e arsyetoi trajneri vendimin e tij të diskutueshëm.
Lexo edhe:
- VIDEO/ Muçi realizon golin e parë me Besiktasin, dhe është një perlë e vërtetë
- VIDEO/ I pandalshmi Manaj, sulmuesi shqiptar gjen sërish rrugën drejt rrjetës
- VIDEO/ Inter me 10 “yje” në 2024, Asllani protagonist në fitoren me “poker”
- VIDEO/ Wembley ngjyroset i kuq, Liverpool mposht Chelsean në një finale dramatike
- VIDEO/ Mbappe nuk i mban më nervat, zëvendësohet dhe hedh shiritin e kapitenit
“Kur ta konsideroj të përshtatshme, ai do të luajë, dhe kur jo, nuk do të luajë.”
Për të ardhmen e PSG-së ai shtoi:
“Unë dua konkurrencë maksimale për sezonin e ardhshëm. Dua që të gjithë lojtarët startues të kësaj skuadre të mendojnë se kjo është një mundësi e madhe. Kjo është ajo që unë kërkoj këtë sezon dhe sezonin e ardhshëm.”
