Javët e fundit të kampionatit shqiptar pritet të jenë shumë interesante jo vetëm për skuadrat që do të marrin pjesë në “Final 4”, por edhe për ekipet e fundit të tabelës. Nëse Kukësi ndodhet i shkëputur në vendin e fundit, Erzeni, Teuta dhe Laçi e ndoshta edhe Skënderbeu do të tentojnë të shmangin zonën e rënies dhe atë të “play-out”-it.
Aktualisht, Erzeni e sheh veten në vendin e parafundit, me një diferencë prej 7 pikësh me zonën e shpëtimit dhe 6 pikësh me zonën “play-out”. Misioni mbijetesë për shijakasit do të jetë jo pak i ndërlikuar, duke marrë në konsideratë se në lojë kanë mbetur dhe 15 pikë.
Lexo edhe:
- McKennie romancë me motrën e futbollistit të Interit, zbulohen provat
- Eliminimi nga Champions, Gundogan kundër shokut të skuadrës: Na penalizoi të gjithëve!
- “Ishte i kuq”, sinqeriteti i gjermanit, Ter Stegen kundër Xavit
- U ndërpre prej alarmit “Ndicka”, Liga vendos për ndeshjen Udinese-Roma
Në anën tjetër, Laçi i vendit të shtatë dhe Teuta e vendit të tetë janë vetëm me një pikë diferencë mes tyre. Deri në fund, kurbinasit dhe durrsakët do të duelojnë në distancë për të shmangur vendet e fundit, e për të qëndruar të qetë për sezonin e ardhshëm në elitë.
Në këtë garë mbijetese mund të përfshihet dhe Skënderbeu që sot e sheh veten katër pikë larg zonës “play-out”. Korçarët kanë treguar se kanë cilësi, por me hapat e gabuar të bërë së fundmi kanë lëshuar terren dhe e shohin veten më pranë zonës së “ftohtë” sesa “Final 4”, por gjithsesi, për momentin mund të qëndrojnë të qetë në vendin e gjashtë.
