Gara Sprint e Çmimit të Madh të Kinës në pistën e Shanghait duket se ka sjellë edhe “krisjen” përfundimtare mes dyshes së Ferrarit, Charles Leclerc dhe Carlos Sainz. Ishte një mbrojtje agresive e spanjollit ndaj francezit në xhirot e fundit të garës, ato që detyruan Leclerc të flasë publikisht kundër shokut të skuadrës.
Sainz nuk e lejoi shokun e skuadrës ta parakalojë në kthesë duke u mbrojtur nga brenda dhe detyruar monegaskun që të kalonte limitet e pistës. Pas garës, Leclerc iu ankua inxhinierit të tij duke theksuar se Sainz po luftonte më shumë kundër tij sesa pilotëve të tjerë në pistë.
Lexo edhe:
- E kryer/ Interi plotëson dëshirat e Lautaros, detajet e rinovimit
- Marrëveshja është arritur, zbulohet trajneri i ri i Bayernit
- Francesco Troise mban leksion si i ftuar special nga FSHF për kursantët e “UEFA PRO”
- Gjermania apo Bayern Munich? Nagelsmann vendos përfundimisht
Kujtojmë se klima në skuderinë italiane nuk është aspak e qetë prej momentit kur “kokëkuqja” njoftoi firmën me Lewis Hamilton për sezonin e ardhshëm, duke “injoruar” Carlos Sainz që i duhet të kërkojë për një tjetër skuadër në vitin e ardhshëm.
Sa i takon renditjes së garës Sprint, ishte Max Verstappen ai që triumfoi, i ndjekur nga Hamilton dhe shoku i skuadrës Sergio Perez. Në vendin e katërt Leclerc, Sainz i pesti ndërsa pjesë e dhjetëshes së parë ishin edhe Norris, Piastri, Russell, Zhou e Magnussen.
Ditën e diel do të zhvillohet edhe Çmimi i Madh i Kinës, me Verstappen që siguroi “Pole-Position” ndërsa i dyti është Perez e më pas Alonso, Norris dhe Piastri në pesëshen e parë.