Kylian Mbappe ka refuzuar të nisë bisedimet me drejtuesit e Al-Hilal. Klub që është gati ta kthejë në futbollistin më të shtrenjtë dhe më të paguar në planet.
Pavarësisht problemeve dhe luftës së hapur me PSG-në, sulmuesi 24-vjeçar nuk ka ndërmend të largohet nga futbolli i vërtetë. Duke i thënë “jo” propozimit të klubit saudit.
Që kishte gati një ofertë të pabesueshme prej 700 milionë eurosh në sezon për “yllin” francez. Ndërkohë që presidenti Nasser Al-Khelaifi kishte pranuar 300 mln eurot që ofronin arabët për kartonin e një prej futbollistëve më të mirë në qarkullim.
Por, Al-Hilal ka bindur një tjetër futbollist të skuadrës së Luis Enriques për t’i dhënë fund aventurës në kontinentin e vjetër.
Lexo edhe:
- Futbollistët më të paguar/ Vitet ikin, CR7 nuk bie nga “froni”
- VIDEO/ Dygolësh, asist dhe rekord i veçantë! Messi shkëlqen me Interin
- Blerja më e shtrenjtë në histori, Atalanta bën goditjen e madhe në sulm
- Zyrtare/ Pa skuadër prej 2.5 vitesh, nigeriani firmos me Kukësin
Marco Verrattin, i cili është pjesë e kampionëve të Francës prej vitit 2012. 30-vjeçari nga Pescara, për të cilin sezoni i fundit nuk ishte pozitiv, pasi ishte ndër më të kontestuarit e tifozëve bashkë me Messin dhe Neymarin, ka pranuar ofertën e sheikëve.
Për Verrattin u fol për një rikthim të mundshëm në Itali, ndërkohë që emri i tij ishte në listën e dëshirave të Liverpoolit dhe Atletico Madrid.
Por, e ardhmja quhet Al-Hilal, që pritet të paguajë rreth 30 mln euro në arkat e PSG-së për të siguruar shërbimet e titullarit të kombëtares italiane. I cili do të firmosë një kontratë faraonike në klubin saudit (2026).
