Juan Cuadrado qëndron jashtë fushave prej 20 dhjetorit të vitit të kaluar. Kolumbiani, i cili verën e kaluar u transferua nga Juventusi tek Interi me parametra zero, kreu një ndërhyrje kirurgjikale në tendinën e Akilit.
Së fundi ishte afër rikthimit në fushë. Por një tjetër problem do e detyrojë të mbetet larg fushave të blerta edhe për rreth 20-25 ditë.
35-vjeçari ka reaguar në rrjetet sociale, aty ku shkruan: “Më mungon të bëj atë që Zoti më ka caktuar për të bërë, por kam besim se do të kthehem së shpejti”.
Lexo edhe:
- Tre ndeshje në tribunë, trajneri i Fulhamit sqaron situatën e Armando Brojës
- VIDEO/ Manaj nuk ka të ndalur, gol në frymën e fundit me Sivassporin
- VIDEO/ Sparta në finalen e Kupës së Çekisë, Indrit Tuci protagonist
- VIDEO/ Nga divizioni i dytë në finale, festojnë dy shqiptarë në Poloni
Anësori i djathtë pritet të jetë gati në dispozicion të trajnerit Simone Inzaghit për derbin me Milanin, i programuar për datën 22 prill.
Sfidë ku zikaltrit mund të kurorëzohen kampionë për herë të 20-të në histori, pikërisht përpara rivalëve të përjetshëm.
Interi po dominon Serie A këtë sezon, duke kryesuar kampionatin me 79 pikë. Plot 14 më shumë se Milani i vendit të dytë.