Kombëtarja shqiptare e futbollit zhvilloi këtë të mërkurë seancën e fundit stërvitore në “Shtëpinë e Futbollit” përpara dy ndeshjeve miqësore të muajit mars, ndaj Kilit që luhet më datë 22 në Parma të Italisë dhe ndaj Suedisë më datën 25 në Stokholm.
Kjo është seanca e dytë stërvitore për këtë të mërkurë, pasi paraditen e sotme skuadra ka zhvilluar një tjetër seancë, por ajo ka qenë me dyer të mbyllura.
Lexo edhe:
- Kuqezinjtë zbresin sërish në fushë, grupi i plotë para Sylvinhos
- “Besiktasi zgjedhja e duhur”, Muçi: E mendoj veten pjesë të listës, por i takon Sylvinhos
- FOTO/ E bujshme nga Italia, Mario Mitaj në “radarët” e gjigandëve të Serie A
- Dëmtimi i papritur, Courtois mesazh fansave: Do të kthehem edhe më i fortë
Me përjashtim të sulmuesin Myrto Uzuni, që nuk ia doli dhe që do largohet në orët në vijim nga grumbullimi dhe të portierit Etrit Berisha që është stërvitur i diferencuar, trajneri Sylvinho punoi me pjesën tjetër të grupit në këtë seancë stërvitore.
Sylvinho pati mundësinë të ndjekë nga afër të gjithë futbollistët e grumbulluar, për të krijuar një ide më të plotë për formën e tyre para dy miqësoreve.
Të enjten paradite “kuqezinjtë” do të fluturojnë drejt Italisë, ku do të qëndrojnë deri pas ndeshjes me Kilin, e cila do të startojë në orën 20:45 të së premtes në stadiumin “Ennio Tardini”, sfidë që do mund ta ndiqni live dhe ekskluzivisht në Digitalb/SuperSport.
