Futbollistët me parametra zero janë shndërruar në një specialitet për drejtuesit e Interit, Marotta dhe Ausilio, të cilët kanë arritur të sigurojnë shërbimet e dy prej tyre për sezonin e ardhshëm.
Sulmuesi iranian i Portos, Mehdi Taremi dhe mesfushori polak i Napolit, Piotr Zielinski kanë firmosur tashmë me zikaltrit dhe do të jenë nën urdhrat e Simone Inzaghit për sezonin e ri, teksa pranë marrëveshjes është edhe mbrojtësi spanjoll i Atleticos së Madridit, Mario Hermoso.
Ndërkohë së fundi drejtuesit e Interit kanë nisur negociatat intensive me francezin e Manchester United, Anthony Martial, i cili do të largohet nga “djajtë e kuq” në fund të sezonit. Me 28 vite mbi supe dhe shumë dëshirë për t’u rikthyer në nivele të larta, Martial sheh Interin si klubin e duhur për të vijuar karrierën.
Lexo edhe:
- Verstappen dhe Red Bull dominojnë në Japoni, garë mjaft e mirë për Leclerc
- Futsall/ Kombëtarja shqiptare do të luajë dy ndeshje miqësore me Rumaninë në muajin prill
- Humbja ndaj Roma-s, Tudor: Tre ndeshje në shtatë ditë janë shumë, na vjen shumë keq që nuk ia dolëm!
- De Rossi: Asnjëherë nuk jam ndjerë më i pranishëm se në këtë derbi, di vetëm të tashmen time!
Te zikaltrit Martial do të mund të gjejë edhe shokët e tij te kombëtarja franceze, Pavard e Thuram, ndërsa Interi do t’i shtonte arsenalit ofensiv një sulmues me peshë dhe eksperiencë ndërkombëtare, pa shpenzuar asnjë cent përveç rrogës vjetore.
Nëse arrin marrëveshjen me Martial, Interi pritet të heqë dorë nga islandezi Gudmundsson i Genoas, për të cilin klubi ligur kërkon të paktën 30 milionë euro.
