Ipswich Town rinovon bashkëpunimin me këngëtarin e njohur Ed Sheeran. Sezonin që sapo u mbyll, ky i fundit u bë pjesë e organikës së klubit dhe bëri edhe një kontratë sponsorizimi, duke shfaqur logon e turit të koncerteve të tij në fanellën e ekipit.
Bashkëpunimi ishte mjaft i frytshëm, me Ipswich që shiti një numër rekord fanellash dhe palët vendosën të rinovojnë sërish kontratën, natyrisht edhe për faktin që Ed Sheeran është një fans i madh i klubit të njohur anglez.
“Ed Sheeran do të vijojë të sponsorizojë fanellat e ekipit të parë të meshkujve dhe të femrave te Ipswich, edhe për sezonin e ardhshëm. Logoja e turit të tij të koncerteve, që u shfaq edhe sezonin e kaluar, do të jetë sërish e stampuar në fanellat blu”, shkroi Ipswich në njoftimin për rinovimin e marrëveshjes.
