Trajneri i Manchester United, Erik ten Hag, e kishte të vështirë të fliste për humbjen e rëndë 7-0 në “Anfield”. Sipas tij, “Djajtë e Kuq” nuk ekzistonin në pjesën e dytë.
“Mendoj se luajtëm një pjesë të parë të mirë. Një gabim në organizim pak para fundit të pjesës së pare në kushtoi shumë. Në pjesën e dytë thjesht nuk ishim ne. Nuk ishin standardet tona dhe nuk luajtëm si skuadër. Ishte sjellje joprofesionale. Po, jam i zemëruar.”
Lexo edhe:
- Daku protagonist në Slloveni, sulmuesi shqiptar i dhuron fitoren Mura-s
- Fitorja 6-1 dhe profecia e numrit 613 në fanellën me emrin e Simeone
- Ngec ndaj Bregalnica Stip, Shkëndija mbetet në vend të tretë
- “Fanellë m**i”, Kroos: Kujt i shkoi mendja për jakë? Latë nam!
Holandezi e theksoi se skuadra e tij nuk ishte ajo që është shfaqur muajt e fundit.
“Jam i befasuar sepse kam parë javët dhe muajt e fundit se ky ekip është elastik dhe ka një qëndrim fitues. Nuk i qëndruam planit dhe nuk e bëmë punët tona.
Kemi treguar se mund të rikthemi kur kemi humbur ndaj Manchester City. Kjo është pa dyshim e papranueshme. Jam shumë i zhgënjyer dhe i zemëruar për këtë.”
