Bayern Munich bie në transfertë përballë Saarbrucken dhe eliminohet në fazën e 1/16-ave të Kupës së Gjermanisë, duke “zhgënjyer” për të katërtin vit radhazi.
Kjo sfidë rezultoi shumë e luftuar, por në fund skuadra që konkurron në 3 Liga triumfoi me përmbysje me rezultatin 2-1.
Lexo edhe:
- Leksionet e Calhanoglu dhe projekti i Inzaghit, GDS analizon rritjen e Asllanit
- “Rodri u hodh te penalltia, të mos e njollosim Premier League me skena spanjolle”
- Fitoi titullin me Napolin, pezullohet për shkak të një… hamburgeri!
- Triumf me “poker”, Struga “shkatërron” Vardarin dhe shkon -1 nga kreu
Ishte Muller ai i cili zhbllokoi sfidën, duke shënuar golin e vetëm të Bayern në minutën e 16’. Megjithatë vendasit gjetën rrugën drejt rrjetës në minutën e 45+1’ me Sontheimer.
Ndërsa u duk që koha ishte drejt fundit, pikërisht në limite, në minutën, e 90+6’ Gaus shënoi golin e përmbysjes dhe të kualifikimit për në raundin e 1/8-ave të DFB Pokal.
Hertha Berlin siguron kualifikimin pasi fitoi me rezultatin 3-0 ndaj Mainz, teksa Eintracht Frankfurt eliminoi Viktoria Koln, të cilën e mundi në transfertë me rezultatin 0-2.