Juventusi dështon të marrë fitoren ndaj Cagliarit në transfertë (2-2) dhe ndoshta vë në diskutim edhe vendin e tretë në Serinë A, që i kërcënohet kryesisht nga Bologna, e cila ka pesë më pak, por një ndeshje më shumë për të zhvilluar.
Cagliari i realizoi golat në pjesën e parë, të dy me 11-metërsh, ndërsa reagimi i bardhezinjve erdhi në fraksionin e dytë, falë golit të Vlahovicit dhe autogolit të Dossenas.
Lexo edhe:
- E kryer/ Interi plotëson dëshirat e Lautaros, detajet e rinovimit
- Marrëveshja është arritur, zbulohet trajneri i ri i Bayernit
- Francesco Troise mban leksion si i ftuar special nga FSHF për kursantët e “UEFA PRO”
- Gjermania apo Bayern Munich? Nagelsmann vendos përfundimisht
Golat:
Dy gola brenda gjashtë minutave, të dy me 11-metërsh, vënë në pozitë të vështirë Juventusin në transfertë me Cagliarin.
“Zonja e Vjetër” e pa veten në disavantazh në minutën e 30-të, kur Gaetano u tregua i saktë nga 11 metra larg, 1-0.
Pa u “fikur” ende entuziazmi i golit të parë, ishullorët realizuan të dytin, po me penallti, këtë herë të ekzekutuar nga Yerry Mina, 2-0.
Shkurtohet në 2-1 diferenca. Vlahovic realizon një gol të bukur nga goditja standarde.
Pak minuta para mbylljes së kohës së rregullt, autogoli i Dossenas barazon rezultatin, 2-2.
