Në karrrierën e tij thuajse 18-vjeçare, Marco Borriello provoi shumë skuadra dhe ndërroi po ashtu shumë trajnerë. Mirëpo, në programin “Bobbo TV”, ish-sulmuesi zbulon se tre janë trajnerët që e kanë bërë më shumë të vuajë, Gasperini, Zeman dhe mbi të gjithë Conte. 41-vjeçari theksoi se në stërvitjet e Juventusit të Contes ka pasur raste kur edhe ka vjellur në fushë ndërsa zbuloi se nga nervat, Quagliarella shante në dialektin napoletan.
“Kam pasur tre trajnerë që më kanë bërë të vrapoj shumë; Gasperini, Zeman dhe Conte. Dy vite të kaluara me to dhe unë humba gjashtë vite karrierë prej ngarkesës, më “vranë” në stërvitje. Stërvitjet me Zeman ishin të çmendura, të masakronte.
Nga ana tjetër, Conte të bënte për të vjellë në fushë. Ishin shumë intensive, edhe mua më ka ndodhur që të vjellë në fushë me Conten. Në stërvitje merrnim shumë ngarkesë, por e gjithë lodhja shpërblehej në ditën e ndeshjes.
Lexo edhe:
- Ten Hag humbet “dhomën e zhveshjes”, lojtarët duan Sanchon dhe jo teknikun holandez
- “Sirena” angleze për talentin e Juventus, bardhezinjtë dorëzohen për 40 milionë euro
- Lajm i mirë për Piolin, mbrojtësi kalon dëmtimin dhe është gati për Atalanta-n
- Spalletti: Spanja, Kroacia dhe Shqipëria nuk janë të lumtura që “peshkuan” Italinë
Mbaj mend Quagliarellan i cili nga nervat shante në dialektin napoletan. Ndonjëherë në stërvitje i godisnim topat fort nga inati. Megjithatë, në fund u shpërblyem se fituam titullin me Conten. Ai fitoi edhe në klube të tjera pastaj.
Ishte një mjeshtër në analizën që iu bënte ndeshjeve, të martë, të mërkurë dhe të enjte, studionim gjithçka me detaje. Të gjithë të heshtur para tij. Të korrigjonte dhe të bente të përmirësoheshe. Të dielën, ditën e ndeshjes, skuadra ishte në harmoni dhe lëvizte si një fizarmonikë.
Rikthimi i Contest e Juventus? Besoj te rikthimi i Contes, në zemër ai është juventin. E di që e dëshiron rikthimin. Megjithatë, për momentin Allegri po bën mirë”, u shpreh Borriello.
