Roma po bën maksimumin për t’u kualifikuar në Champions League sezonin e ardhshëm, objektiv që mund të realizohet edhe nëse fitohet Europa League.
Skuadra e Jose Mourinhos do të sfidojë gjermanët e Bayer Leverkusen në gjysmëfinalet e turneut europian.
Takimi i parë do të luhet në “Olimpico” (11 maj). Një javë më vonë dueli i kthimit në Gjermani. Ndeshjet do të transmetohen në SuperSport.
Ndërkohë, drejtuesit e verdhekuqve janë fokusuar te merkato dhe afrimet me parametra zero.
Lexo edhe:
- Xavi nuk është i bindur, Juventus dhe Barcelona shkëmbejnë mesfushorët
- Federer apo Nadal? Tenisti grek zgjedh më të mirin në histori
- Dëmtimi i Kumbullës, FSHF dhe Presidenti Duka i urojnë shërim të shpejtë mbrojtësit kuqezi
- 20-vjeçari në fokusin e klubeve më të mëdha europiane, ish-futbollisti: I ngjan Gerrard dhe Lampard
Një ndër objektivat është Youri Tielemans, mesfushori i Leicester City. Belgu ndodhet në vitin e fundit të kontratës me “Dhelprat”.
25-vjeçari, autori i 58 ndeshjeve dhe 5 golave me kombëtaren e “Djajve të Kuq”, është gati të nisë një aventurë të re në verë.
Ofertat nga Premier League nuk i mungojnë, por Mourinho po bën gjithçka për ta bindur të transferohet në Serie A te Roma e tij.