Mikautadze është zyrtarisht lojtari më i ri i Ajax.
Pas transferimit të Mohammed Kudus te West Ham për afro 43 milionë euro, “Harkëtarët” kanë gjetur menjëherë pasuesin e ganezit dhe bëhet fjalë për ish-sulmuesin e Metz, Georges Mikautadze.
Lexoni edhe:
- Merr fund telenovela “Maguire”, ja cila do të jetë e ardhmja e mbrojtësit anglez
- Kolo Muani: E falenderoj Frankfurt-in, por tani dua të luaj për PSG-në
- Lindstrom: I lumtur që jam në Napoli, mezi pres të shoh tifozët në stadium
- Iu hakërrye arbitrit për kartonin e kuq, Van Dijk rrezikon shumë
Ajax prej kohësh ishte vendosur në gjurmët e 22-vjeçarit dhe këtë të mërkurë ka zyrtarizuar transferimin e tij për shifrën e 16 milionë eurove, por që mund të shkojë deri në 19 milionë euro falë bonuseve, ndërsa lojtari ka firmosur deri në verën e vitit 2028.
Gjeorgjiani ishte protagonist sezonin e kaluar në Ligue 2, me 23 gola në 37 takime duke rikthyer skuadrën e Metz në elitë, ndërsa e nisi edicionin e ri me të njëjtën mënyrë, duke shënuar dy gola në tre ndeshjet e para.
Një goditje vërtet interesante, me Mikautadze që bën kështu një hap të madh në karrierë, pasi bashkohet me një skuadër që ka traditë jo vetëm në Holandë, por edhe në kontinentin e vjetër.
