Afati që PSG i ka vënë dhe Kylian Mbappésë pë të ndarë mendjen për të ardhmen është shtyrë për 31 korrik. Kështu ka vendosur presidenti Nasser Al-Khelaifi, i cili nuk ka ndër mend ta humbasë kampionin francez me parametër zero në verën e vitit 2024.
Ultimatumi fillestar i dërguar nga presidenti parizien u caktua rreth datës 21 korrik, por tashmë palët i kanë dhënë vetes dhjetë ditë të tjera kohë për të zgjidhur situatën.
Kjo të paktën është data e propozuar nga pesidenti i PSG-së. Prandaj, Kylian Mbappé ka ende disa ditë për të vendosur.
Një datë që nuk duhet të jetë surprizë, duke qenë se sulmuesi 24-vjeçar mund të aktivizojë vitin e tretë të kontratës me PSG-në deri më 31 korrik.
Lexo edhe:
- VIDEO/ Përfundon ëndrra Champions, eksperienca e Zalgiris eliminon Strugën
- Trajneri Linfield paralajmëron skuadrën: Përgatituni për më të keqen, në Shqipëri na lanë pa top
- Në Razgrad për të vazhduar ëndrrën Champions, Ballkanit të Dajës i duhet edhe një tjetër sforco
- VIDEO/ Partizani shpërdoron pa fund, Bate Borisov dy gola me vetëm dy raste
Nëse golashënuesi më i mirë i sezonit të Ligue 1 (2022-2023) i ka komunikuar tashmë klubit qëllimin e tij për të mos rinovuar me anë të një letre që ka shkaktuar një bujë të madhe, situata mund të evoluojë më tej deri në fund të muajit dhe kur të skadojë ky opsion.
Ndërkohë, Reali i Madridit është në pritje të zhvillimeve të reja për të ndërhyrë më pas në momentin e duhur.
