Që nga momenti i mbërritjes së tij te Bayer Leverkuseni verën e kaluar, pas aventurës së tij tek Union Saint-Gilloise, Victor Boniface u tregua menjëherë vendimtar për fatin e skuadrës së Xabi Alonso.
Në fakt, deri para shfaqjes së problemit fizik në aduktor në fillim të vitit 2024, nigeriani arriti të bëjë 23 paraqitje, me 16 gola dhe 8 asistime. Një faktor nga çdo këndvështrim.
Aq sa, me dëmtimin e tij, shumë kishin hipotezuar një rënie në performancën e “Aspirinave”. Megjithatë, realiteti i ka hedhur poshtë këto parashikime, duke i dhënë më shumë vlerë punës së trajnerit spanjoll dhe të gjithë kolektivit të kuqezinjve.
Lexo edhe:
- VIDEO/ Dygolësh në transfertë, Shpendi i pandalshëm
- VIDEO/ Eurogol dhe festë me shqiponjë, Mehmeti dhuron “show” në Angli
- Sylvinho vlerëson golat, Manaj pritet të jetë pjesë e grumbullit të marsit!
- Kristjan Asllani, shqiptari i parë që fiton “San Siron” (VIDEO)
Vetë Xabi Alonso dha një lajm të mirë për të gjithë fansat e Bayer Levekusenit dhe një lajm të keq për rivalët e tyre: Victor Boniface është gati të kthehet. Me rastin e konferencës për shtypin në prag të ndeshjes së Eropa League-s, si mysafir ndaj Qarabagut, spanjolli deklaroi:
“Pa dyshim që Viktorit (Boniface) i duhet ende pak stërvitje për t’u rikthyer në gjendjen e duhur, por nëse gjithçka shkon, siç e kemi planifikuar, në fund të marsit, më së voni në fillim të prillit, ai do të jetë sërish në dispozicion. Një pjesë e rëndësishme për ne në këtë pjesë të fundit të sezonit.”